阮兒把握機會　望實力被肯定

入行9年的前港姐阮兒（Chloe）捱足9年，終於憑《愛‧回家》的「Pinky」入屋，她自細於荷蘭長大，回想起2006年回港，因想找工作才決定選美，之後又被發掘唱跳潛能，與其他幾位少女組成女子組合：「之後就自然入咗行，喺無綫4年。巧合地有個機會畀我唱歌跳舞，入咗隊女子組合，但係嗰間公司唔想再搞娛樂嘅嘢就解散咗。」

Chloe亦感激劇中「馬家」對她的照顧及教導，令她進步良多，由初初緊張手震到現在學識調節心情：「初初好緊張，好驚做錯，每個機會我都覺得係最後一個，所以好想做到最好，但係愈緊張就愈做唔好，慢慢學識點放鬆。依家出街有人認得，仲開口叫我Pinky，好開心觀眾認同我嘅努力！」

「一人有一個夢想」，Chloe最想圓的夢是實力能被肯定：「好想拍多啲劇，嘗試做唔同角色，攞獎當然想，但依家最重要係把握機會。」仍是單身的Chloe坦言想盡快找到真命天子：「最緊要係對我好對家人好！」