林盛斌針炙被拮頭三十針 勁驚嚇!

20150619
東網電視
更多新聞短片
小編以為拍緊《恐懼鬥室》第八集咋。

被封「吸金王」嘅藝人林盛斌(阿Bob),去年進賬近千七萬!不過,外表風光嘅佢,查實有苦自己知,去年入院兩次之餘,又不時打開聲針,賺嘅都係辛苦錢!

今日阿Bob就趁住工作空檔,走去做針灸養生。可能佢身體真係太多毛病,針灸師喺佢頭上拮咗成30幾支針,搞到佢嚇到個心都離一離!

佢喺網上分享「被拮照」,唔單止驚到面都青埋,仲要反埋白眼,由心而發嘅恐懼,真係隔住個Mon都感受到!

阿Bob仲留言話:「今日,針灸美少女石醫師話我破咗佢多年行醫嘅紀錄,未計手同腳,淨係個頭已經拮咗接近三十支針!我諗,我個身體,係時候要抖吓嘞!」

一班網友隨即叫阿Bob多休息,仲紛紛留言話畀佢嚇親:「我覺得我要取(消)關(注)你了,因為點開大圖真係嚇親我!」、「引起情緒不安!」