網民熱話:Elsa女配音員勁Girlfriendable!

20150619
東網電視
更多新聞短片
Elsa香港版嘅女配音員黃紫嫻,唔單上配音掂之外,仲識唱歌,個樣又甜,網民大讚佢好有女友feel添!
早前無綫重播《大時代》因為冇字幕睇,搞到網民叫苦連天,不過除咗字幕重要之外,一班配音員嘅功勞亦好大,好似唔少人都將已故配音員林保全同叮噹把聲畫上等號咁,依家叮噹嘅香港版配音換上女配音員黃昕瑜,網民都話感覺完全唔同晒。
動畫電影《魔雪奇緣》(Frozen)入面嘅主角Elsa深受大人細路歡迎,而為Elsa香港版配音嘅80後女配音員黃紫嫻,近日就成為網民熱烈討論嘅對象,皆因佢除咗配音掂之外,唱功一樣了得,個樣仲幾甜添,因而有唔少網民讚佢好有女友feel!現年30歲嘅黃紫嫻個樣仲好young,由2003年開始做配音員嘅佢,除咗幫Elsa配音,亦為無綫唔少卡通片、外購劇等角色配過音,好似喺劇集《情人眼裏高一D》同《女拳》咁,黃紫嫻就分別為苟芸慧及劉璇配音。
網友更喺討論區公開佢嘅Instagram帳號,見佢仲有舖集郵癮,分別上載咗佢同影帝劉青雲、石修同古明華嘅合照,亦不時上載佢自彈自唱嘅片段,唔少網民大讚佢把聲勁甜,更有人話佢人靚聲甜,長髮短髮都咁掂,做配音有啲嘥,直頭可以做歌手啊!
網民有話兒
雍X:好鍾意佢首未忘記,好好聽
吳X榮:把聲好甜
視XX祺:佢把聲好特別好易認
頭文XX:做配音嘥左,個樣咁掂應該出尼唱歌
ixx9xxx7:長髮甜美,短髮清爽,點睇都好gfable