網民熱話：馬天佑MV　黎明情迷CG動畫

星級形象指導馬天佑（Tianyo）最近撈過界做歌手，推出處男作《搞破壞》，MV更獲老闆黎明親自操刀，認真威威！觀乎黎明過往執導嘅MV，似乎對CG動畫加超現實風格情有獨鍾，好似佢自己嘅《遲D見》同《情》，JW嘅《Juicy Girl》、仲有衛蘭嘅《男人信什麼》MV，都有大堆CG效果，但內容真係一個字講晒－玄！

《搞破壞》MV貫徹黎明風格，當中有一條CG恐龍周圍噴火（好似食正呢期《侏羅紀世界》大熱咁喎！），仲有Tianyo同恐龍對打場面，MV製作好有誠意，但唔係個個網友都Buy，有人話MV同黎明啲金句一樣「玄到爆！」，亦有人指MV似Tianyo時裝騷多啲，而且可能係太潮嘅原故，令網友高呼接受唔到囉！例如Tianyo其中一個造型帶住一副用汽水罐所製嘅眼鏡，搽埋個銀色唇膏，令人不敢冒起「Fashion嘅嘢你識啲咩！」不過，都有網友話首歌勁洗腦，Tianyo亦型爆，真係各花入各眼喇！

網民有話兒：

ScarXXX：一開始搞破壞那三個字是文字藝術師做出來的嗎？

ZONGXXX：廣告打太兇了，沒人一直想聽到洗腦歌，別再打廣告了！

WailXXX：洗腦歌，好正好好聽，天佑好靚仔！

AndrXXX：OMG！太棒了！this MV is to die for！推推推！

TomaXXX：一路聽一路起雞皮……