郭秀雲爆錢小豪離婚後一蚊都冇畀過

郭秀雲兒子龐景峯（Andrew）到韓國做歌手成為焦點，生父錢小豪近日亦因復出拍劇重奪人氣。早前，龐景峯與舊愛的合照成為翻炒對象，錢小豪亦因而被追訪。對此，郭秀雲（Sharon）接受《東網》訪問時，坦言為兒子感抱不平：「之前講到Andrew花花公子咁，覺得訪問中嘅嘢會令人誤會，對新人嚟講唔好。（係誤會？）係，我唔係講對方（錢小豪）不是，佢唔係衰人，佢冇諗得咁深。」

豪語護愛兒：係女仔主動溝佢

她直言自己不是娛樂圈人，並為兒子平反謂：「畀個機會Andrew，佢係傻仔，好單純，佢睇落係麻鷹，但係麻雀，佢唔係溝女大王，而係女仔主動溝佢，佢依家好努力唱歌，花兩個月時間練呼吸先去錄歌，佢係有下苦功。」

與錢小豪冇聯絡

她續說：「法律上佢（錢小豪）每年要畀一蚊，不過大家都冇理會，唔係要問佢攞一蚊，而係一路冇維持個關係，20幾年前嘅嘢都無謂講。」她坦言二人現在已沒有聯絡，只是幾個月前在朋生日會上見過面。問到會否不讓兒子見錢小豪？她說：「佢都24歲，係大人，我仲鼓勵Andrew去見，有親情。」

至於錢小豪，則坦言與兒子已很久沒聯絡，對於被指離婚後冇畀錢，他謂：「唔緊要啦！放鬆啲！」談到跟兒子關係，他說：「睇緣份啦！佢又唔係跟我成長，不過如果佢搵我飲茶，梗開心啦！」