糖兄同龔柯允「分手」似講數

20150622
東網電視
更多新聞短片
龔柯允與糖兄大談綵排舞台劇的趣事。

歌手龔柯允(Karen)及糖兄(潘雲峰、Sebastian)現身電台宣傳舞台劇《勁金歌曲3之請您記住我》,二人現已開始排戲。問可有趣事發生?他們坦言有很多,來自馬來西亞的Karen經常講錯對白令人笑爆肚,糖兄說:「因為佢嘅母語唔係廣東話,講嘢會有少少外藉人士講廣東話嗰種可愛嘅口音,因為咁所以導演索性將佢嗰角色嘅國籍改做唔係本地人,令件事有趣啲!不過係好嘅,令個角色多咗故仔喺後面。」

Karen大讚導演非常仔細,會糾正她的發音:「可能因為文化差異,有個字我覺得係咁讀,但導演就話香港人唔係咁講呢個字嘅,咁就學識咗喇。」這次演出令她學會了更多廣東話、接觸到更多廣東歌。

為林欣彤伴奏具挑戰性

而糖兄透露特意為了這套舞台劇而與Karen翻唱《富士山下》,並拍攝了MV:「隻歌講分手,我哋都用咗分手嘅方式去合唱,一人一句咁嘅對答形式,好似講數咁,聽落都幾得意,而MV都係好似講緊數咁!」Karen笑說:「我喺MV會好似女鬼咁,一出現就飄吓飄吓!」

不過在舞台劇上不會演唱這首歌,而是將歌詞以演戲方式演繹出來,糖兄說:「Mag(林欣彤)負責演,我同王嘉儀就負責彈,演到邊句我哋就彈嗰句,好具挑戰性,因為要夾番啱嗰時間!」