鍾慧冰母女檔演舞台劇　唔反對囡囡入行

藝人鍾慧冰今日帶同19歲囡囡林靜莉出席舞台劇《

齋噏冇秘笈．我們的集體回憶．香港組曲2015》記者會，並宣布該劇將於七月在上環加演兩場。鍾慧冰今次現身明顯fit咗唔少，原來是她修身和保健的成果，她直認怕「三高」：「我都係行路做運動，同埋我依家八點鐘之後都唔食嘢。（定期做檢查？）係呀，由子宮check到上去，（健康）都ok啦！4、5個月就做一次。」

至於今次第一次演大型舞台劇的靜莉就直認由細到大都鍾意跳舞，雖然劇中有與媽咪的對手戲，不過她笑言與其他前輩對演會比較緊張，鍾慧冰更爆囡囡是一口答應參演：「佢話佢超有興趣！」問到有關囡囡的前路時，她就直說現時就讀新聞傳播學系大學一年級的囡囡興趣多多未諗定，提到會否反對囡囡入娛圈？她笑言：「無得反對架，會斷絕母女關係！」