网民热话：SISTAR新歌倒奶扭PAT好消暑

韩国女团SISTAR几乎每年都准时喺夏天出新歌，而且从来毫不吝啬晒青春性感本钱，令佢哋有“夏日女神”称号，而佢哋最新歌曲《Shake It》MV终于曝光，推出唔够半日就吸引逾三十万点击率，女神嘅号召力果然唔讲得笑！

使出“发电三式”

三分半钟嘅MV入面SISTAR除咗换上多个露腰骚腿造型，佢哋仲使出“发电三式”，包括“电眼”、“电腰”及招牌“电臀”，真系劲过十万伏特，而且佢哋仲首次谷住胸示范瑜伽招式，睇到粉丝狂喷鼻血！MV除咗邀请SISTAR师弟组合Monsta X成员Shownu同Wonho外，仲搵嚟近年韩国综艺节目嘅大势男歌手姜均成友情客串，姜均成尽展佢嘅搞笑功力，化身猥琐怪鸡男，表现非常抢镜！

有粉丝讲起SISTAR过往每次出新歌都例牌成为各大音乐榜“第一位杀手”，故此粉丝都好期待SISTAR今次可以再“shake”个第一位番嚟！

网民有话儿：

燮中XX：呢首几好听，只舞有记忆点，好听过《I SWEAR》！

陈大XX：女神呀！！！宝拉呀！！昭宥会唔会sexy咗少少。

SHeXXX：夏天睇sistar够晒消暑！

吴少XX：Sistar索到咁，点顶呀？