馬浚偉爆李思捷飲醉酒除衫嚇親阿媽

藝人馬浚偉、盧巧音、連詩雅到將軍澳電視城為節目《今晚睇李》擔任嘉賓。馬浚偉原來與李思捷十分老友，他說：「我哋好熟，住喺隔離屋苑，大家屋企人都認識。我知道佢好多醜事，以前成日一齊飲酒，佢有次飲醉酒，第二日講番話返到屋企除晒衫瞓咗喺個廳度，佢阿媽起身都畀佢嚇親。」

曾經反面

馬浚偉雖然與李思捷十分老友，但亦曾因拍劇反面不和，他說：「有次拍劇大家唔啱到直情同佢講以後唔好再合作，但係另一套劇又令我哋好番，仲變成好兄弟。」

盧巧音則表示也有很久沒有踏足無綫，她指與思捷認識多年，不擔心對方問題尖銳。盧巧音透露計劃在年尾出唱片，她說：「啲歌除咗會喺網上賣，自己同公司都鍾意有實質嘢，所以都唔會放棄出碟。」