戀情浮面！鄭嘉穎企正隔籬同陳凱琳慶生

自《東網》獨家踢爆鄭嘉穎同陳凱琳蜜運後，呢兩位主角嘅感情「發展」可謂一日千里，兼且愈嚟愈浮面。

繼《東網》早前拍得二人煙靭撐枱腳、及報道鄭嘉穎豪擲450萬買辣跑冧陳凱琳後，今日，同二人合作拍攝劇集《殭》嘅陳嘉寶（Anjaylia），就喺社交網晒咗一張同今日正日生日嘅凱琳BB嘅慶生照。

呢張相嘅亮點，並唔係有靚女凱琳BB同Anjay BB睇，而係凱琳BB隔籬企咗大大個嘅鄭嘉穎！嘉穎同凱琳BB嘅企法，似足Anjaylia同佢男友Epaphras嘅企法，好鬼甜蜜！咁搞法，唔通「穎琳」想透過Anjaylia，正式公開戀人關係？