曾患購物強迫症!袁鳳瑛高峰期爭十幾萬卡數

20150628
東網電視
更多新聞短片
袁鳳瑛自爆曾經有購物強迫症,仲話嗰時係日買三、四萬嘢!

藝人袁鳳瑛於酒樓舉辦「香港歌星協進會」的開幕典禮,透露整個典禮由她一手包辦,她希望透過協會維繫歌手,在進行社會公益的同時能提升自己,她表示有二十年的心理輔導經驗,可借此鼓勵一眾面對壓力的藝人勇敢正視自己的問題,找她傾訴,問有否幫過藝人進行心理輔導,她表示:「真係冇,之前都係幫社區中心,年紀由幾歲到五、六十歲,但始終我做過藝人明白佢哋嘅心態。」她指透過聊天可以知道藝人在哪方面需要幫助,坦言不正視的話後果可以很嚴重。

購物日買三、四萬

她表示自己有在大學修讀心理課程,亦請來其導師,介紹給一眾藝人朋友,而自己坦承在情緒上曾有問題:「我喺破碎家庭長大,青年時期都唔開心,會諗點解人會傷害其他人,做咗藝人之後更加唔開心,有時會好負面,但讀完課程就醫好咗,只要肯放低身段同光環就得。」問情緒有問題時曾做過甚麼誇張行為,她坦言會試過自殺:「但可能我性格係就算死都要靚,另外我有強迫症,長期強迫購物,廿幾年前一日會買三、四萬嘢,之後會再諗可以問邊個借錢再買過,但讀完課程先知我呢個心理障礙。(高峰爭幾多卡數?)十幾萬。」她指藝人面對自己的情緒化或會誤以為是心急,但可能已到達危機點,不能忽視。而她現專注協會工作,問會否減少幕前工作,她笑言:「都有嘅,始終最鍾意,只係我未習慣擺去社交網站啫,希望暑假可以接多啲工作。」