歐陽巧瑩着泳裝 林師傑嗌正:無得比較

20150701
東網電視
更多新聞短片
林師傑話得悉女友歐陽巧瑩要行泳裝騷時都擔心佢走光,但講到女友一身古銅色肌膚時就即刻嗌正!(資料圖片)
新人陳意嵐與港姐歐陽巧瑩穿上泳裝行騷,各展身材盡現美態成為熱話。而她們身邊兩位重要的男士又點睇呢?曾任藝人杜汶澤化妝師,再由杜汶澤一手一腳帶入行拍攝電影《選老坐》的陳意嵐,初出道時,其高挑身形已備受觸目,今次再大騷43吋長腿行騷,杜汶澤說:「我睇到《東網》即時新聞報道啦,真係好快。其實我一把年紀又無兒無女,我直頭當佢係契女咁看待架喇,佢騷43吋長腿行騷好好呀,腿長又似阿嬌(鍾欣潼)喎,直頭係『長腳嬌』。呢個年代,我又唔擔心性感會被定形,因為覺得佢好有潛質,可以大膽嘗試唔同類型工作。希望佢多啲工作和電影拍攝。呢個年代香港電影極化,一係純本土,一係合拍片,需要好多新元素和新面孔去支持,希望佢把握到更多機會。」
而林師傑對於女友歐陽巧瑩性感行泳裝騷,他表示事前已經得知,亦有陪她跑步修身,對於女友曬得一身古銅色肌膚,他表示:「正囉。我鍾意運動型女仔,夠晒健康,事後佢都有傳啲相畀我睇。(其它女仔都好身材?)其它女仔是但啦,呢啲無得比較,自己鍾意就得,佢媽媽生得佢咁好身型。不過事前都心佢走光,叫佢做足安全措施。」