黃宗澤同鍾嘉欣談情 拍親熱戲屁股遭殃

20150704
東網電視
更多新聞短片
在酷熱天氣下拍外景實在好難頂,黃宗澤出動小風扇降溫,就算有機會同女神鍾嘉欣談情都冇心情啦!

無綫小生黃宗澤(Bosco)與黃浩然現身旺角為新劇《警犬巴打》趕拍外景,在炎炎夏日身穿上牛仔褸開工,甫落車已難敵酷熱天氣,除衫兼出動私家風扇仔降溫。

揭浩然千雪肉搏

Bosco在新劇中與鍾嘉欣飾演情侶,二人將有搞笑的親熱戲,他笑說:「情侶間錫吓嘴仔必定有。(會有床戲?)暫時未見到。(期待親熱戲?)觀眾期待啫,我哋都係做嘢。」Bosco更爆黃浩然將與朱千雪有不少肉搏場面,相當激烈!他說:「佢哋咀戲同床戲乜都有!(羨慕?)都唔知係咪浩然畀咗錢編劇,咁益佢!」而他將與警犬有不少對手戲,更會遭狗仔咬屁股。

望多啲新人接棒

談到胡杏兒及吳卓羲等約滿後不續約,無綫力捧陳凱琳、朱千雪等做生力軍,Bosco說:「梗係要啦!唔通叫我演啲21歲嘅偶像咩,當然要不斷有新人出現。(想同新演員合作?)都希望有新火花,千雪咁啱都喺套劇做我個妹。」