接受薛世恒追求？梁雨恩：好難答！

歌手梁雨恩（Cathy）在大埔超級城出席《小白獅50周年祭珍藏館》揭幕禮，自言是「機迷」的她喜歡玩電腦遊戲，最沉迷試過一日打十多個鐘機，Cathy笑謂：「好多男仔打機應該都唔夠我嚟，我係好宅嘅女仔。」有傳獲Neway大少薛世恒力追半年，記者笑指「宅女」都被拍得密會？她笑道：「好宅都有friend、去食吓飯。（追你？）我哋係好朋友、弟兄姊妹，平日都會一班人食飯，咁啱我飛前約兩個人食飯，慶祝我喺全港飛鏢比賽女子組季軍，都係食吓飯好casual。」並謂知道有記者影到，她也跟對方談論過，Cathy笑稱：「佢話好平常，冇乜所謂，朋友食飯，叫我照直講，難為咗佢。（難為佢？）因為佢想過新生活，佢信咗主。（想過新感情生活？）唔知。（追到你咪有新生活囉？）有啲係人打救唔到，要神打救，但我都欣賞佢，佢好愛主。」

追求者送紅隧大型廣告

問到有否發展機會？她表示未有想過，又指最近工作壓力大，自言目前工作之上，感情則「等一等先」。提到其紅隧大型廣告牌，好友路芙笑她獲緋聞追求者送廣告，問到是否薛世恒送贈？Cathy否認：「絕對唔係，路芙講笑啫。（如果佢追你接受？）好難答，但暫時好享受我哋係朋友，下一步未知。」