黃佩霞50歲生日 廣邀好友提早搞P!

20150705
東網電視
更多新聞短片
黃佩霞50歲生日,廣邀好友提早搞生日P!

名模黃佩霞於7月7日生日,現提早舉行生日派對,共六十人出席,當中包括名模好友馬詩慧、琦琦與女兒任晴佳、陳嘉容、馬德鐘太太張筱蘭和洪華,還有藝人周麗淇、伍詠薇和蔡一智與太太周雪芳等出席,黃佩霞她說過往甚少搞生日,今年因為是「大冧巴」生日才決定慶祝,毫不介意公開年齡已屆50歲,她說:「今年『大冧巴』,50歲啦,爸爸媽媽和妹妹,仲有好多親戚都嚟晒香港,以往唔係成日搞,今年家人同朋友都喺香港,所以老公(Ryan)決定幫我搞生日,佢仲炮製咗個影片,輯錄我由細到大嘅成長過程,仲搵朋友即場作廣東話翻譯,好感動。」

黃佩霞一早通告朋友不要送禮,現場放置了一個籌款箱,希望出席的朋友將心意捐作慈善,她說:「我同老公之前去過緬甸,認識咗一位住喺當地嘅澳洲人,知道緬甸仰光有間學校,大部份係橡膠樹工人嘅子女就讀,間學校缺錢修建,依家仲爭兩萬美金(約港幣15萬6千元),我哋好想幫忙,所以我叫晒啲朋友唔使送禮,將心意捐做慈善,一個生日會就已經籌咗幾萬港元。」她說自己衣食不缺,好感恩,故在能力範圍內希望幫助別人。問到正日生日如何度過,她透露將會與家人食飯,享受溫馨家庭樂。