張文采單方面「分手」?羅鈞滿:凡事有轉機

20150706
東網電視
更多新聞短片
張文采今日喺網上疑似暗示同拍拖4年嘅羅鈞滿分手,男方嘅instagram status就轉咗「凡事有轉機」!
無綫新聞小花張文采同藝人羅鈞滿拍拖四年,前年張文采與無綫前主播黃紫盈捲入罵戰風波,當時羅鈞滿仲喺微博發文力撐女友,仲自嘲係三線藝人,二人相戀多時一直互相扶持。但直至今年5月羅鈞滿畀《東網》獨家影到背住女友夜蒲,疑似溝空姐!羅鈞滿隨後否認溝女仲話獲得女友信任。不過今日有指張文采喺個人社交網站留言,言語間似乎暗示同羅鈞滿分咗手!唔通係因為「溝女一事」成為兩人「分手」嘅原因?
男方就喺instagram隔空「回應」張文采嘅發文,佢嘅status就轉咗做「凡事有轉機」,唔知係咪覺得可以挽救同張文采嘅4年情呢?不過冇耐,羅鈞滿instagram帳戶已經轉咗做私人account了,外人已經再冇法睇番佢分享嘅照片!