鄭欣宜接爸爸鄭少秋棒成新代言人

藝人鄭欣宜成功接爸爸鄭少秋（秋官）棒，擔任新一任中藥養生產品的代言人，欣宜出席簽約儀式時，與魔術師大玩魔術，魔術師更上演一幕「火燒合約」，嚇得欣宜一額汗，須工作人員上前幫忙抹汗。

在新廣告中，欣宜重現秋官70年代的經典元素，包括翻唱經典歌詞「好似太陽咁溫暖」，並加入不少新潮舞蹈，當然少不了欣宜的招牌劈腿動作。其後欣宜更當場炮製愛心靚湯，給現場嘉賓品嘗。

在接受訪問時，對於能夠接爸爸棒拍攝新廣告，欣宜表示：「個感覺幾特別，一知道接呢個廣告就同爸爸講，佢都話幾好。」問到可會父女檔上陣？她透露曾向廣告商提出：「絕對可以啦，希望下一輯廣告可以啦。（收貴啲？）呢啲交畀佢哋傾啦。（比較秋官當年酬勞？）冇問酬勞，交畀公司傾，最重要拍攝過程開心。」

欣宜又自爆在拍攝前狂Loop秋官同系列的經典廣告，而當她的新廣告有預覽片時，即時給秋官欣賞：「佢係咁重複睇，讚我幾好，話我跳嗰啲舞佢都唔識。（佢踢唔起隻腳？）唔知佢呢。」

問到可有煲湯給秋官品嘗？欣宜表示多年前曾親自煲愛心湯水給爸爸：「嗰時媽咪仲在生，因為爹哋唔舒服，佢好感動，依家煲應該仲感動，因為佢估唔到我會煲。」她又自爆秋官平時是個「煮」家男，不時教路煲湯水心得：「佢教我煲鹹魚頭豆腐湯可以降火，加蜜棗就對喉嚨好。」

問可曾煲湯給男友飲？她說：「我煲湯都鍾意畀所有朋友飲。（男友鍾意飲乜？）我依家單身，一日未結婚都係單身。（散咗？）我係單身。」對於前度Mark Ryan已成家立室，欣宜表示戥對方幸福，她亦希望盡快找到真命天子。