畀溫家偉射背脊　胡定欣驚爆：就嚟冇仔生

藝人胡定欣到太古宣傳新劇《鬼同你OT》，她說：「我後日要去馬來西亞工作，出席完今日嘅宣傳，餘下落嚟嘅要交畀陳豪同田蕊妮。但個劇嘅宣傳片出咗街，反應都幾好。（阿田話你想摑佢？）因為佢個角色好冇用，辦事不力，我好鬼無奈，好鬼無助。（接《武則天》推出有壓力？）都係好嘅壓力，希望承接到佢嘅好成績。」

對於在活動上玩射箭遊戲時，被溫家偉射中背脊，定欣說：「係啦，就嚟冇仔生，佢對其他女仔唔係咁。（好心急生仔？）女仔喎，梗係咁講啦，我留番畀啲好姊妹做媽媽先，我唔好搶閘住。」