Super Girls曬到面紅紅變晒Cheronna？

女子組合Super Girls出席中環的全城愛蝶日活動，五女表示平時在郊外或有青草的地方都會見到蝴蝶，但品種就較少。而之前到外地有大草地的地方就見得較多，所以都呼籲要好好保護生熊環境。問到大熱天時在戶外工作辛苦？五女異口同聲表示：「都冇得驚，因為都流好多汗，妝都甩晒，但其實我哋都唔怕陽光，之前又去咗外地拍外景，都曬到好勁。」Aka笑言：「所以我哋曬到個個變晒Cheronna返嚟！」五女稱去了外地八日，亦做足防曬功夫，但可能陽光太猛烈個個都皮膚敏感，尤其見Jessica面上爆瘡最為嚴重。Jessica示意已看了皮膚科醫生，正康復中。而她們都透露有去浮潛，但Jessica和Cheronna因沒有穿救生衣及蛙鞋，所以被珊瑚割傷腳流血，之後都不敢落水怕引來鯊魚！