一買就會冧！「師奶」吳鎮宇：股票機去咗邊

藝人吳鎮宇與楊千嬅出席新片《寶貝當家》記招，於片中一人分飾兩角的鎮宇，透露監製王晶僅出一份人工給他，由於現時股市不景，他惟有「袋住先」。問到鎮宇是否有很多股票揸手？他謂：「我驚忍唔住買，其實我一買就會冧，連黃子華都跪求我叫我唔好買，我比師奶更師奶，不過呢排冇買，都唔知部股票機去咗邊，但以前留喺度嗰啲就有升番，有啲幾低價都冇人接，都係買樓好啲！」

談到與千嬅合演夫妻，鎮宇表示二人一聚頭就大談湊仔經，更表示：「早兩年合作都唔知有冇話題！」談到與童星黃詩齡合作後會否再有生仔念頭？鎮宇大讚對方可愛又好玩，但就未有再生想法。鎮宇還透露片中的大宅乃參照已故天王Michael Jackson故居作為藍本，屋內有旋轉木馬及水池，就連樓梯也參就五星級酒店的來搭建，難怪他謂：「我以為係主題樂園，原來係我戲入面嘅屋企。」

與詩齡演母女的千嬅大讚她比想像中聰明，她再說：「今次畀我體會到點可以同個女溝通，有個女會點，都幾好，可以同佢似朋友咁傾計，又可以打扮成公主咁。」