《武則天》結局勁收37點　無綫乘機出藍光碟

無綫外購劇《武則天》昨晚播出大結局，平均收視33點，約215萬觀眾，最高收視37點，約241萬觀眾。是繼《衝上雲霄II》後最多觀眾劇集，亦是無綫過去一年收視之冠。

范冰冰欣慰

無綫已透過片商向范冰冰及李治廷傳達喜訊，兩人對收視均感欣慰。無綫有見坊間對無綫版《武》劇的熱愛，計劃9月將推出無綫版本的《武》劇DVD及藍光碟，供各界珍藏，詳情留待稍後公布。企業傳訊部副總監曾醒明表示：「有指無綫將《武》劇結局删剪，令劇情唔銜接，其實無綫收到嘅版本就係咁樣，無綫不但冇删減，反而補咗啲回憶嘅鏡頭。」

《多啦A夢》6個投訴

此外，新一輯《愛.回家》平均收視25點，曾醒明說：「《愛》劇首周收視唔錯，無綫收到9個投訴，指新不如舊。觀眾對舊一輯印象深刻，新一輯需要時間鋪排、接受、適應。另外，有6個《多啦A夢》迷投訴，話唔鍾意女聲配音。另外有2個不滿星期六《難得有心人》安排喺黃昏播出。」

《流氓皇帝》另定播出日期

曾醒明又指，王浩信主演的劇集《樓奴》，8月3日起將接《風雲天地》推出，對於早前馬國明及周麗淇為劇集《流氓皇帝》拍攝宣傳片，曾醒明說：「《流》劇暫時會另定播出日期，因為經過75集《武則天》後，怕觀眾睇古裝睇得太膩，所以作出調動安排。」

主角李治廷亦回應《東網》訪問，他開心表示：「多謝咁多觀眾撐我哋部戲，希望會有更多好作品帶畀香港嘅觀眾。」