朱慧珊力撐《亞姐》：個節目一定會繼續

前亞姐朱慧珊今日到亞視大埔總台出席《第二十七屆ATV2015亞洲小姐競選》記者會。雖然亞視在最近一年飽經滄桑，不獲續牌令亞視一度面臨倒閉危機，重頭選美節目《亞姐》亦曾被傳因而停辦。不過慧珊對《亞姐》充滿信心，認為選美節目有一定存在價值以及經濟效益，她謂：「《亞姐》係一定會繼續嘅，就算個台無人買，個節目都會有人買！（節目會爛尾？）唔會，我亦都唔希望會。」