冧黃毅進邀出賽 沈卓盈被電到輸包尾

20150716
東網電視
更多新聞短片
回復單身的沈卓盈坦言對大隻男有好感,唔知黃毅進係咪好啱佢心水呢?

藝人沈卓盈現身寶琳,宣傳無綫節目《超強選擇1分鐘》,以露臍裝示人的她與陳庭欣及張嘉兒即場比拼Sit Up鬥多。有「沈大師」之稱的沈卓盈剛宣布甩拖回復單身,在活動上即點名要節目中的「超強男女助選團」成員黃毅進(James)為她按住雙腳方便她做Sit Up,結果她只做到20下包尾。

冇咩抄牌經驗

事後被取笑掛住嗒大隻男James糖,沈卓盈即解釋:「靚仔分散咗我注意力,平時我做Gym有二、三百下!(鍾意呢類型男?)鍾意大隻嘅男士,不過唔好太大隻,我對陽光男孩有好感。(抄咗牌未?)我怕醜呀!我一向都係同性朋友多,異性朋友少,亦都冇咩抄牌經驗。」

fb多咗人add

她又謂回復單身後多了人關心:「自從宣布回復單身,人都輕鬆咗、開心咗,收到好多朋友電話,話要為我介紹男仔,好感動又好笑。(有冇人自薦?)咁又冇咁猖狂,不過我facebook就多咗好多人add。」