潘芳芳出書事事跟到足

藝人潘芳芳出席書展活動跟小朋友講故事，她表示自己平日亦會每天給囝囝講故事，由佗BB時已開始講，直到現在囝囝讀小學，她依然會每晚都講，因此囝囝培養了閱讀的興趣。提到「美心妹妹」楊鎧凝的寫真風波，她說：「事件牽涉好多層面，小朋友自己唔會話影，好睇家長同書商出呢本書嘅原意，係想帶啲咩訊息畀人，佢哋嘅原意同出發點重要啲，人哋點睇同睇到啲咩比較主觀。至於有色眼鏡呢樣嘢好難控制，有時睇廣告都會有小朋友着住尿片走嚟走去。我自己會覺得書係同教學相提並論，係知識學習，一本書如果出咗街被廣泛知道之後會有佢嘅影響。成件事我唔知當中嘅過程好難去評論。（佢媽咪話自己無參與揀相。）我自己出書嘅話都會跟到好足，如果係話無都好奇怪。警方有佢哋嘅角度去介入處理，都唔方便評論。」