邱美薇鍾情大隻仔 樂做小鳥依人

20150718
東網電視
更多新聞短片
「索版紙巾妹」邱美薇憑廣告中「爭仔」成名。

「索版紙巾妹」邱美薇(Chelffy)因為拍紙巾廣告「爭仔」兼講對白「溫柔啲好」而聲名大噪,現實中的Chelffy既學習泰拳,又懂得芭蕾舞,名副其實剛柔並濟,故無論是弱質纖纖或跑跑跳跳的角色都難不到Chelffy,但令她最難忘的演出是早前在舞台劇中飾演妓女,比她的實際年齡大20年的姨姨角色,她說:「我不介意做醜女、諧星,好多人鍾意做美女,但做醜角好多時演技都難好多,我想挑戰自己。」

Chelffy雖然仍然單身,但工作上就艷福無邊,她表示與影帝張家輝及視帝陳豪拍廣告,間接改變了她擇偶的條件,她說:「同家輝拍廣告我硬晒軚,我扮頸痛,佢就拎個產品出嚟,我唔敢望佢,好驚電襯,而且係我第一個廣告。」她又謂與陳豪拍廣告時尷尬:「兩個互望互餵食蛋糕,佢都有教我,大家都好專業。(你會揀張家輝定陳豪嘅類型做男朋友?)兩位都係爸爸同錫老婆,家輝拍《激戰》咁大隻,梗係要揀個大隻保護到我,我可以小鳥依人。」

擁有33B的Chelffy「禾稈冚珍珠」,深藏不露,她表示遺傳媽咪驕人身材:「媽咪有36,6年級嗰陣佢見我有少少變化,就怕我好會似佢咁大,但因為我有跳舞做運動就拉長返自己,我覺得身材比例平均,唔使咁大,着衫會唔靚。」