患怪病驚足半年　葉佩雯怪老公冇反應

著名音樂人Eric Kwok（郭偉亮）太太葉佩雯（Grace）的身形多次引起美麗誤會，原來Grace身纏怪病，由二月開始腫脹，體重不斷飆升，最恐怖是左邊頸突然腫凸起來，過去半年Grace遍尋不少中西名醫，又照超聲波、又去腫瘤科檢查和化驗，均找不出病因，把她嚇得半死，幸好醫生說：「一定唔係cancer（癌症）。」才能她放下心頭大石。

廿幾歲開始賀爾蒙失調

Grace前晚在Instagram自爆身體有病，她形容過去半年個人腫脹到似懷孕，甚至頸部一邊腫到凸出來，試過通淋巴，中西醫都看過多遍，她說：「去腫瘤科檢查，照了超聲波兩次，都找不到原因，嚇死我，磅數不停增加，至少重咗十磅……全身檢查，說我有抗甲狀腺球蛋白抗體，但亦解釋不了我的頸部為何那麼腫。」直至朋友再給她介紹中醫，終有轉好迹象，磅數也慢慢回落。

Grace接受《東網》訪問時表示：「新年到依家體重不停飆升，好得人驚，唔係驚肥與瘦，係驚身體究竟出現啲咩問題？我賀爾蒙由廿幾歲就開始失調，時好時壞，最恐怖條頸有一邊脹咗，唔痛㗎，只係覺得有一泡嘢腫咗。」為尋求病因，她看過無數醫生，又做全身檢查，又抽血化驗，除了甲狀腺有少少問題，其他都OK。目前看中醫治療的她，被中醫指肝不好，她說：「脾胃影響到個肝，個肝影響賀爾蒙，所以要疏肝，而頸腫就似痰，疏肝後會平伏番，腫脹都會改善。」

「等嘅時候最驚」

Grace憶起病發初期，她獨自看醫生時既緊張又擔心：「因為老公幾忙，我又唔想人陪，唔想令大家擔心。」她續說：「自己坐喺度等嘅時候最驚！」Eric Kwok得知她有病豈非被嚇壞？Grace笑說：「佢冇嚇親，因為佢唔知我驚，後期我先話佢聽，其實我去照超聲波，一上到嗰層腫瘤科就好驚，我話你應該嚟陪我，佢啊冇反應咁。」

郭偉亮：大肚唔敢想像

Eric昨表示太太飲了一星期中藥已有明顯幫助，他說：「Grace個肚好脹，成日去唔到廁所，我唔覺得佢肥，但每次見到記者都問佢係咪有咗，如果真係大肚，唔敢想像係乜地步。」至於Grace笑他沒反應，他說：「男人唔可以表露，如果我驚佢咪仲驚，之後我都有陪佢睇醫生，佢心情都開朗番。」

此外，Grace和Eric日前被《東網》拍得在北角炮台山某食店外撐枱腳，見Grace身形微胖，略有浮腫，幸腫脹情況不至很嚴重。