李克勤都質問巫啟賢「真係唔認得我?」

20150721
東網電視
更多新聞短片
連李克勤都質疑巫啟賢係咪真係唔認得自己,相信依家全城最期待嘅畫面,係巫啟賢出嚟講真心話!
內地歌唱比賽節目《蒙面歌王》日前首播,代表香港出戰的李克勤勇奪首集冠軍,網上點擊率高企,掀起全城熱話!
對於節目反應熱烈,克勤高興地表示:「冇諗過香港會有咁多人留意節目,節目播出後即刻收到好多朋友祝賀,真係意想不到!」提到有評審猜他是「小鮮肉」,克勤笑言:「原來自己戴咗面具都呃得吓人。」
提到評審團成員之一的巫啟賢在節目中表示不認得他,對方相熟的克勤說:「因為個台同評審團都有段距離,我都係上到台先知有咩評審團。我錄完節目,第二日走嗰陣,巫啟賢有whatsApp讚我唱得好,我就傳番短訊問佢『你係咪真係唔認得我?』,佢淨係回咗『哈哈』兩字,所以唔知佢真係唔認得,定只係劇情需要。不過大家都唔使咁認真去睇,評審團都係想增加現場氣氛或者擾亂觀眾視線。」
與原版賽制相反
為求神秘,據知眾歌手獲大會安排入住不同的酒店,免大家有機會碰見,克勤說:「我哋一出酒店房已經戴晒面罩,連我哋啲助手、化妝師、髮型師都要戴,唔可以畀其他人認到,去到會場喺後台嘅房,如果去廁所都要戴面罩。」有指參賽者包括內地歌手孫楠、許茹芸及李泉等,克勤表示不知情:「不過我見到個熟悉嘅身型同聲音,我都估係孫楠。」
「參加得比賽都想贏」
節目賽制是每集冠軍才可以除罩,被指跟韓國原版輸家才除面具的賽制相反,克勤表示早就了解賽制,據他所知,如果歌手連輸3集,可以自行決定揭罩與否。已經成功晉身決賽的他,被問若輸了會否揭罩?他說:「我揭,光明正大,喺我眼中音樂從來冇分輸贏,我贏咗都唔會沾沾自喜,音樂係好講個人口味,只係嗰晚可能啲觀眾鍾意我呢個演繹方式,並不代表我比其他歌手優勝。(對自己有冇信心?)有。(大壓力?)唔好諗呢啲,我唔會講話贏輸都冇所謂,參加得比賽都想贏,如果贏唔到我都會欣然接受,輸都係輸畀最好嘅歌手。」
製作組赴韓說許茹芸參賽
據知加盟《蒙》前,許茹芸曾三度因檔期不合拒絕另一節目《我是歌手》的邀約,今次《蒙》請得郁許茹芸全因製作組夠誠意,在韓國「新沙士」疫情最嚴重時,更親赴韓國找居於當地的許茹芸洽談。