周秀娜情迷金城武多年：擔心佢唔揀我

寫真始祖周秀娜（Chrissie）近年進擊影壇與商界，榮升實體內衣店老闆的她，日前登上節目《娛樂3兄弟》，獲三位主持衛志豪、陸浩明和區永權慶祝開張大吉。雖然三子對女性內衣一竅不通，但為博女神一笑，亦硬着頭皮大談內衣經。

恨同張智霖「拍拖」

回顧過往的電影作品，Chrissie有不少激情戲份，男拍檔亦多到數不清，但女神笑言望與同公司的男神張智霖合作：「如果佢演我老公好似太快，之前Sweet嘅部分會冇咗，都係由拍拖開始好啲。」談到心中的終極男神，Chrissie透露已情迷亞洲男神金城武多年：「我只係擔心佢唔會揀我，中學時已經睇佢嘅日劇《神啊！請給我多一點時間》，當年我幻想過自己係深田恭子，好多人都因為呢套劇中招。」

前度偷食有影響

女神Chrissie已單身兩年，有傳上一段情因第三者介入而分手，Chrissie坦言曾試過撞破前度偷食，她說：「當時腦裏面一片空白，因為太細個，淨係識問點解，猛咁打個男友，其實都有影響到之後搵男友嘅安全感，所以後來搵嘅男友係完全唔同類型。」