陳豪親自拎細仔出世紙：見證呢個時刻

藝員陳豪、羅仲謙、李佳芯、許亦妮、莊思敏、莊思明、呂慧儀、陳山聰及楊秀惠等出席劇集《潮流教主》煞科宴，近期被捧上位的蔡思貝及陳瀅則忙爆無暇出席。

Enjoy家庭樂

陳豪表示完劇後終有時間陪太太陳茵媺及兩位公子，並透露日前一家四口出巡為細仔拎出世紙：「呢排太忙，係遲咗去，但自己想親力親為，見證呢個時刻，好Enjoy家庭樂，大仔喺度玩，細仔就哇哇叫，都多謝入境處幫忙。（放假去旅行？）都想，考慮緊去邊，大仔去過兩次，細仔都要去吓。」

讚新劇有新鮮感

提到好友胡杏兒與TVB完約，陳豪說：「作為朋友，想佢有更好發展，但公司立場就係一個損失。（有傳佢結婚！）恭喜晒！但Confirm左未？（傳咋！）咁Firm咗先。」他又指今次《潮》劇有多位新進女藝人演出，相信新鮮感爆燈能迎合市場需要，問到會否點名讚哪位後輩演出好，他竟說：「我要讚監製，佢眼光獨特！」