劉嘉琪硬淨Madam撐得住 

20150724
東網電視
更多新聞短片
Kanice最近喺無綫拍劇時又再飾演女警。

模特兒兼演員劉嘉琪(Kanice)最近喺無綫拍劇時飾演女警,佢話自己性格硬朗,所以演Madam冇難度:「我個人比較硬朗,所以唔太難演!不過有時要跑得好快,又有啲爆破場面,就要小心啲!」Kanice透露唔係第一次着警察制服:「之前拍《飛虎》都係做Madam。最辛苦係腰間裝備好重,夏天天氣又熱,返屋企發現腰間磨到損晒。」

而問到拍劇最深刻經歷,佢話:「之前拍《陪着你走》時,做麥包前妻,劇情講到我哋就離婚,我要喊!試戲時,我就喊到癲,但到嚟真嘅時候,我就發現眼淚已經用晒!之後監製教我試戲拎5、6成就得,真正拍先放盡。多謝佢畀機會我呢個新人!」Kanice又直認自己情緒化,成日大笑大喊:「拍喊戲前我會不斷聽悲情歌,同埋諗啲曾經唔開心嘅往事,好似親情或者愛情史。(愛情經歷慘?)有一、兩段慘,因為用情好深。」