林泳淘反串扮男仔：覺得自己好靚仔

無綫女藝員林泳淘（Wingto）最近為節目玩Cosplay，反串化身遊戲人物大俱利伽羅，平日打扮女性化、樣貌又嬌俏的Wingto，變身男角後英氣十足，非常帥氣，她亦對造型相當滿意！她說：「舊年我扮過美少女戰士Sailor Venus，今次就反串做男角，之前做咗好多準備工夫，仲要紮胸，轉做男仔後我唔能夠亂郁，因為我連企喺度都畀人話好女仔，一講嘢一笑就破功，原來擺好Man嘅甫士都唔係咁易，但真係好好玩！我覺得自己好靚仔呀！仲將張相拎咗嚟做電話wallpaper！有人話世界上有七個人同自己一樣樣，唔知會唔會有個男仔係我反串後咁嘅樣嘅呢？」