《六時代》堪輿篇：中橫財有樣睇！

陳玉蓮和佘詩曼曾被傳中六合彩，陳玉蓮更被傳中過兩次，咁犀利？在《東網》節目《六時代：堪輿篇》，堪輿學家陳子才即席分析兩人面相，從陳玉蓮和阿佘面部特徵發現，原來發達真係有樣睇！

陳子才說：「發達相，最緊要睇吓自己有冇天運，額頭中間部分代表你嘅天運，如果呢個部位比較飽滿，開陽、廣闊、平滑，咁就Perfect！講到財運當然唔可以唔講個鼻，睇一個人有冇橫財或者偏財，就睇鼻翼，原來鼻翼比較尖削，鼻孔有少少外露，偏財運比較強一啲。另外如果有耳珠嘅朋友呢，偏財運都係比較強一啲！」

陳子才　額頭飽滿天運強

陳子才續說：「好似陳玉蓮、佘詩曼，佢哋真係符合呢啲特徵，睇到佢哋額頭中間特別飽滿，符合天運比較強，而佢哋嘅鼻翼都比較尖削，同埋鼻孔有啲外露，尤其係陳玉蓮個鼻，鼻翼特別尖削，耳珠都係好靚，所以基本上都符合中橫財比較強嘅特徵！」

除了講面相，陳子才又走訪港島區兩大派彩頻率最高的投注站：中環史丹利街投注站及干諾道中投注站，到底這兩間投注站的風水如何影響派彩？陳子才在《六時代：堪輿篇》為大家一一拆解！