網民熱話：熱推謝安琪「香港情懷三部曲」

日前歌手麥浚龍（Juno）推出嘅新歌《羅生門》，由於歌詞夠晒深情，再加上Juno同謝安琪（Kay）嘅動人演繹，一推出就引起網友熱論，加埋Juno之前出過嘅《耿耿於懷》同《念念不忘》呢兩首歌，呢個「痴漢三部曲」就成為一個好淒美嘅愛情故事。近日亦有網友發現，Kay推出嘅歌曲主題前後都好一致，尤其當中嘅《囍帖街》、《最後晚餐》同《大城小動》，呢三首歌都係描繪近年香港嘅變遷，並透過環境嘅變幻道出不變嘅情懷，所以就畀網友命名為「香港情懷三部曲」。

2008年《囍帖街》

以直白嘅歌詞描繪出灣仔利東街清折時婉惜嘅心境：「就似這一區　曾經稱得上　美滿甲天下　但霎眼　全街的單位　快要住滿烏鴉」再以景喻情，強調永恆嘅不可持：「有感情　就會一生一世嗎　又再惋惜有用嗎」對於已逝嘅情或事物，只能無奈放手。

2009年《最後晚餐》

呢首歌同樣係講緊中環嘅嘉咸街亦難逃重建嘅命運，但今次由《囍》中嘅旁觀者變成當事人：「可惜這天須分手　拆夥晚餐是最後　一些過去悲歡協奏　亦到盡頭」破裂嘅情感與環境一樣，即使力挽狂瀾，亦不如當初單純嘅情懷：「新廈在這裡（裏）築起　舊的區新標記　窗內外耗費不菲　卻再也找不到我共你」《最》一曲描寫嘅感情更叫人心碎！

2010年《大城小動》

今次一改前兩首絕望無力嘅調子，首歌嘅歌詞講出變幻係恆常嘅事，但只要心懷希望，情總是存在：「就算生活超重　煩憂失控　環看四周的人叢　是窩心的觸碰」呢個Kay式「香港情懷三部曲」，真係要試吓一次過聽，一定別有一番感受！

網民有話兒：

Wxxxxng：囍帖街成功演繹了社會當時的情懷和感受，也成就了Kay的歌手地位及這首經典之作

xxxxg Wong：歌詞似乎訴說有人要搬離一個滿載美好記憶嘅地方……香港人嘅香港啊（呀）！

kexxx：呢D（啲）就係香港風味

adxxxip：唱出了我最愛的香港，想到這將變成過去，心很痛，很痛。

faxxxxxai219：好親切既（嘅）聲線，支持kay唱多d（啲）有關社會既（嘅）好歌！

xxxxYHY：好舒服，鐘意佢唱果（嗰）d（啲）非愛情既（嘅）歌