與方力申拍嘈交戲　鄧麗欣怕假戲真做

歌手鄧麗欣（Stephy）到電台宣傳新歌《分手的情書》，正在拍攝新戲的Stephy表示特意將電影內容套於新歌歌詞中。提到新電影，Stephy指這是與男友方力申公開戀情以後第一次電影合作，心情特別緊張，她說：「第一次一齊拍戲係十年前嘅《獨家試愛》，嗰時一齊緊但未公開，今次係公開咗之後第一次一齊拍戲，感覺好唔知點咁。」但Stephy表示擔心假戲真做，吵架吵出火藥味，她說：「平時我哋都會嘈交，喺工作方面，今次拍戲好驚真係會嘈交，因為相處咗咁耐，大家對工作會有自己意見，連導演葉念琛都同我哋講叫我哋少見啲，因為我哋兩個真係嘈嘅佢都唔知應該幫邊個。」Stephy更透露新戲有可能將與小方真實生活上的小事加入電影中，令電影更有真實感！