魯芬化身「肥布歐」突襲動漫節

藝人魯芬下午以「魔人布歐」造型出席動漫節活動，魯芬bb一出場，全場報以歡呼，問到其造型是否花了3小時，魯芬BB表示：「唔使，個幾鐘，都係得塊臉啫。」每一年動漫都以不同形象示人的魯芬BB表示今年已是第五年參加，她坦言：「感觸良多，都好期待下次。（最想扮咩？）我想做的角色好多，之前我都幫卡通片配音，好多角色都想做，好似猩猩、大象，肥恐龍都想做，同埋花木蘭入面個肥婆，之前都係我配音。」問到會否覺得其造型搶去藝人林芊妤鏡，魯芬BB即笑言：「我邊個都會搶架啦，我咁肥，個樣咁霸道、咁巴渣。」

談到近況，魯芬BB透露正在拍王晶的電影《寶貝當家》，她說：「今日專程請假嚟呢度，就嚟殺青，仲有啲外景，都好唔捨得，組數多，都好感恩，搵我拍電視劇都係得一組半組，得嗰幾日，邊到好拍吖？我都會推，寧願登台好過，我啱啱都喺美國登台完返嚟，2月份又去美加登台。」