自嘲唔識「假大肚」　葛天借熊貓澄清冇騙婚

「欄王」劉翔去年九月才與內地女星葛天閃電結婚，九個月後又閃電離婚，有指係因為葛天以懷孕騙婚導致二人感情破裂！對於「假大肚」傳聞，葛天喺微博上轉貼一則有關熊貓「圓圓」假懷孕呃冷氣歎嘅新聞，並且趁機澄清自己並非傳聞所指「假大肚」騙婚。佢語帶無奈話：「大家不要愛特我了，借國寶圓圓這事兒回應下，假懷孕這事兒真真是沒有啊（呀），我從氣憤都轉無奈了。以後對待網絡謠言真心希望大家理智冷靜。」佢又指自己花名雖然叫Panda，但冇熊貓「圓圓」咁醒目！