王麗嘉34D巨胸阻發展　密謀縮胸做超模

現年20歲的王麗嘉（Irisa）為名模馬詩慧（Janet）與藝人王敏德的（Michael）的二女，承傳了母親的優良基因，Irisa擁有5 呎11吋的高挑模特兒身形。剛高中畢業的她，本打算到波士頓升讀大學，但一直銳意繼承母親衣鉢在模界發展的她，為免錯過當模特兒的黃金時間，毅然決定停學一年，到紐約追尋自己的模特兒夢。

停學追夢得一日時間考慮！

在香港，普遍的父母都希望子女早日完成大學學位，順利得到畢業證書後，再在職場打拚，但Janet及Michael剛好相反，竟建議Irisa先休學一年，嘗試到紐約展開其模特兒生涯。Irisa說：「其實我之前已經喺波士頓租咗地方住，畀埋訂金，但係因為爸爸識人喺紐約做有關模特兒嘅工作，佢同媽咪商量過之後，有一日媽咪打畀我，叫我諗吓停學一年，試吓去紐約做模特兒，仲話畀一日時間我考慮。我有問我啲朋友意見，佢哋知我想做模特兒好耐，所以都鼓勵我試吓！嚟緊爸爸會陪我去紐約，正式開始闖模界。」

向媽咪取經？我冇乜問佢！

作為「星二代」的Irisa，從小活在鎂光燈下，但她坦言小時候並不喜歡拍照及拍廣告，更從沒想過要做模特兒，直至13歲，在學校的慈善時裝騷上擔任模特兒，才開始對模界產生憧憬。有一位名模媽媽，闖模界在即的Irisa，有否詢問媽媽的意見及經驗，為前路作好準備？Irisa笑說：「我冇乜問佢，因為我覺得呢啲要靠自己嘅經驗，唔係淨係得個講字，要自己試過至知。」她亦積極裝備好自己，不但多看時裝雜誌及時裝騷，參考名模的舉手投足，亦不時對鏡練習擺出不同動作及表情，同時每天做運動，保持最佳體態。

瘦先行得騷？我咪唔做囉！

Irisa擁有D Cup驕人上圍，實在是不少港女夢寐以求的身形，但她卻大唱反調，認為豐滿上圍令她較難成為High Fashion Model，更希望接受「縮胸」手術。她說：「我勁唔鍾意（咁大胸），我同媽咪成日都投訴，問可唔可以做啲嘢，覺得好煩。佢都話可以，但要等多陣先。」雖然她認真地考慮「縮胸」，卻堅拒做一個瘦得如營養不良的模特兒，並決心一直保持健康的體態。目前130磅的她表示目標體重為125磅：「其實我以前一直都係125磅，應該係喺美國食得多，所以肥咗。我嗰時唔覺，但我一返到嚟，媽咪就問我做咩肥咗，仲叫我夜晚唔好食。」

對於不少國際時裝品牌多起用骨瘦如柴的模特兒行騷，她一點也不在意地說：「咁我咪唔做囉！」更即時列舉出與她同齡兼身形相若的美國人氣模Gigi Hadid為例子：「我睇過佢訪問，佢話如果有設計師同佢講要佢瘦啲，佢會話『呢個工作我唔做』，因為仲會有其他工作。」

闖關失敗點算？返美國讀書！

她坦言視「粗眉模」Cara Delevingne及南非超模Candice Swanepoel為偶像，更希望將來有機會與Candice一同行Victoria's Secret（VS）內衣騷。她說：「我每年都睇VS嘅騷，覺得好似好好玩，好有活力。不過唔知佢哋鍾唔鍾意我嘅身形， 因為我比較好身材，但係佢哋啲模特兒好少有胸，佢哋都用Push Up Bra。」她打算給自己一年時間在紐約打拚，若未能成功，亦不打算立刻回港發展，會先在美國完成學業：「我會讀社會學或者公共關係科，不過其實我都未知自己鍾意乜，一邊讀書，一邊發掘吓。」

批評媽咪Bad Choice

有一個在港首屈一指的名模母親，在本地有一定的人脈優勢，出道事半功倍，但Irisa偏偏不想在港發展，並斬釘截鐵地說：「我唔想喺香港做模特兒，性格唔啱。」外界難免會把Janet的成就，設定為Irisa的成功指標，Irisa時常被人問：「你想唔想好似你媽媽咁成功？」而她每每都會堅定地說：「唔想！佢冇選擇到自己最應該做嘅嘢。」

其實Janet年輕時，曾到巴黎及倫敦等時尚之都發展，有幸踏足國際天橋，但她最終為了家庭，毅然放棄外地的發展機會，返港專心相夫教子。對此，Irisa直指母親做了一個極差的決定：「我有聽佢講過，佢話自己當時好思鄉，所以決定返香港。如果唔係，佢都可以成為好出名嘅一線國際名模，只係因為自己思鄉，就決定返嚟，真係幾可惜，但係呢個係佢自己嘅錯，係一個Bad Choice！畀着我一定唔會咁做。」

我想拍拖！

將為前途全力拚搏的Irisa透露目前單身，沒有拍拖。提到早前被拍得與一名富二代當街「玩到癲」，更被對方攬胸、摸籮，態度親暱，她大方表示二人是「青梅竹馬」：「佢係我幼稚園同學，我哋一向都好Close、好朋友，我哋係好親密，我同邊個都可以咁，呢個係我性格。」她坦言快將到紐約發展，沒有想過要在港結交男友，展開異地戀。問到是否希望專注事業，暫不考慮拍拖？她笑說：「其實我想拍，不過唔係好啱，冇所謂啦！」她透露每次拍拖均全情投入，過去每段關係都維持至少一至兩年，絕非「幾個月貨仔」：「雖然我唔會為咗拍拖而放棄自己想做嘅嘢，不過我會好努力咁維繫段感情。」

放棄搵高佬男友

擇偶條件方面，她表示並不着重外表，只着重內在美：「只要佢人品好、性格友善同細心，同佢一齊覺得好自然就OK。」而長得「高」人一等的她，坦言不介意男友高度，更未曾與比自己高的男生拍拖，她無奈地說：「之前一係矮過我，一係同我一樣高。（高過我嘅男仔）真係好難搵，我放棄咗。」雖然難找到比她高的男友，但她依然為自己的身高而感自豪，絕不認為是負累！