呂良偉送仔仔出國軍訓　10日就冇咗個肚腩

呂良偉、楊小娟及內地演員張鐵林出席活動推廣淨水機，且計劃在港捐贈多部予學校及老人院。

一度失聯

呂良偉夫婦最近花上6位數，送兒子善揚往紐約接受暑假軍訓，小娟更親身往上海送仔仔出發：「佢去咗10日左右，呢幾日去咗山區失聯，之前有視像通話，我就發現佢成個人成熟咗，冇咗個肚腩。佢好鍾意槍械，今次有得接受相關訓練，梗係開心，不過佢話人哋啲槍落後。」夫婦二人稍後會飛往美國接愛子出營，然後齊齊旅行。

教仔仔捉棋增強專注力

談到近日有小朋友因專注力問題激嬲媽媽，當街向母親跪地道歉，小娟心痛謂：「個阿媽有問題，小朋友專注力唔夠好普遍，我個仔都係咁，咪教佢捉棋改善吓囉。依家啲家長最大問題，係想小朋友做佢心目中嘅自己。」

張鐵林透露近日四出宣傳淨水機，談到私生子官司問題，他表示：「這個問題專業，交由律師處理。我發現媒體關心的不是事實，但我怎樣也沒影響其他人的生活。（現在女友是國家一級歌舞演員劉玉婉嗎？）這個不好說，要問問女友是否想公開，你們自己猜吧。」