離巢因無劇拍？徐子珊：減產係共識！

藝人徐子珊於銅鑼灣出席拉麵店活動，被指10月離開無綫的她，惹來傳聞多多，徐子珊有備而來，直認與無綫的合約快將告滿，雙方就續約問題仍未有結果，徐子珊表示約滿日期並非傳聞中的10月，不過就未肯透露約滿日期，只謂：「就快啦！」

否認因網民攻擊

她表示目前忙於修讀珠寶設計課程，亦一直有與TVB傾續約，至於將來如何則要約滿後才能決定去向，至於有否其他公司招手？她說：「有，傾吓先，依家想學嘢先，加上要做電影宣傳，再決定啦，有消息通知大家！」徐子珊早前拍攝的劇集被網民攻擊，被問是否因網友的言論心灰意冷？她說：「無咁嘅事，拍劇帶畀我好多工作機會，好多人因為我拍劇先認識我，依家希望靜一靜諗吓！」

唔急於嫁人

至於是否因多年來都未獲視后而想離巢？她說：「唔係，依家我都有拍吓電影，獎項唔係全部！」徐子珊亦不擔心因離巢而無緣今年的視后，被問會否考慮效法吳卓羲北上發展？她表示未決定，因每日都忙於讀珠寶設計課程，對於被指遭TVB冷待及無劇拍，徐子珊否認其事，指減產是共識，因想有多點時間休息，至於是否想嫁人？她說：「呢樣就仲唔急啦！」

讀珠寶設計未諗轉行

談到胡杏兒亦離開TVB，她表示不能比較，又認為在TVB已有十一年，否認失去方向感，只是認為是時候在生涯中加添新事物。目前修讀珠寶課程的她被問是否考慮轉行？她謂：「唔係！想多樣嘢玩吓！」又謂未想過出自家品牌，目前只知忙於做功課。

早前好友林夏薇結婚，子珊被問為何如此低調出席？她說：「係人哋結婚吖麻，我咁高調做咩！我都係去戥佢開心！（拋花球畀你？）係呀！（想你快啲嫁？）佢想玩我啫！」