【蟹籽得寵】黃文迪呻遭呂慧儀冷落

藝人呂慧儀（長腳蟹）同老公黃文迪自從誕下囝囝「蟹籽」，不時都見佢兩公婆喺微博為囝囝爭風呻醋，呢日黃文迪又再喺微博呻畀老婆冷落喇！

為咗記錄低蟹籽嘅成長過程，長腳蟹幾乎日日都幫佢影相，搞到爸爸黃文迪只得半邊面！難怪黃文迪要喺微博吐苦：「現在媽媽的注意力都集中在你身上，看我只有半塊面就知！不過你媽媽這些小缺點都讓我包藏下了，看她連半塊面都無就知！wakakakaka!」