J.Arie孖鄭欣宜糖妹赤腳演唱

歌手鄭欣宜、糖妹黃山怡及J.Arie為「十二音樂門·逃」舉行音樂會，三女各自演繹自己作品，亦分享做歌手的辛酸感受。欣宜稱曾有段日子想放棄做歌手，因為出碟沒人知道，她花好多氣力做好多事去支持自己，但發覺花好多力去提高自信，就正正令自己更沒自信，當時聽到一首歌就喊濕了一盒紙巾，因為歌詞正說出當時她的感覺，之後欣宜就演唱了蔡依林的《我》。

而三女在音樂會尾聲合唱了一首國語歌《我愛你》，而J.Arie更提議脫下高跟鞋演唱，三女最後赤腳演唱。音樂會後，三女表示除鞋是臨尾出場先決定，J.Arie謂：「係呀，臨出場先問糖妹。」欣宜笑言：「但你冇問我喎！」惹起爆笑！

J.Arie自言不慣穿太耐高跟鞋，因難以控制平衡。着高跟鞋跳舞都冇問題嘅欣宜就笑謂：「有時想做就做到，喺邊到跌就喺邊到企番身。」至於J.Arie唱容祖兒的《逃避你》出現少許甩嘴走音情況？她坦言唱這首歌是很大壓力，因為與她唱的曲風不同，很少唱這類歌。