陳煒同過舞蹈老師傳緋聞：多咗學生就真

藝人黃智雯、陳智燊、陳煒及李思捷出席無綫新劇《爸B有話兒》造型活動。談到近日至於好姊妹姚嘉妮與菲籍舞蹈老師的緋聞，陳煒斷言不相信：「一直都係成班跟佢學跳舞，唔會單獨嘅，咁跳完舞咪去食少少嘢囉，大家只係好朋友。（拖手）都係角度問題啫。（嚇窒老師？）佢之前同我傳緋聞後，多咗學生就真嘅。（搵過嘉嘉？）佢尋日同仔女去咗主題公園，唔想打擾佢。」

而今日扮演補習社老師的黃智雯表示角色如現實中自己的寫照：「我屋企都係成家搞補習社，我以前都教小朋友彈琴同跳舞，覺得同佢哋相處，最緊要當大家係朋友。（同男朋友計劃日後生幾個？）做嘢先，順其自然，我淨係想日後無論生仔定女，都可以親自教佢哋跳舞。」談到好友胡杏兒婚期，智雯繼續三緘其口：「冇通知。（佢開婚紗店，話要贊助妳哋一班好姐妹。）咁除咗結婚，平日拍廣告都用到嘅。」

曬黑了的陳智燊表示已與戲中的一對仔女拍了一天外景，感覺非常累：「不過佢哋好乖，冇嚇窒我。（係咪真係今年結婚？）今年唔會喇，睇到報道繪形繪聲，話我錫女友就啱，但佢哋畀咗好多人生目標我囉，真係要努力喇。」