宋承憲認戀劉亦菲：依家係萌芽階段

38歲韓國型男宋承憲同細佢11年嘅內地女星劉亦菲上年合作拍攝電影《第三種愛情》，當時已經傳佢哋戲假情真，今年年頭宋承憲又喺節目中自爆曾對有合作過嘅女星有好感，網友都推測嗰個就係劉亦菲。

今日有內地傳媒爆出，宋承憲同劉亦菲於深夜時份喺北京一齊食完飯之後，上咗同一架車，仲直駛去劉亦菲嘅別墅，當晚宋承憲徹夜冇離開過別墅，所以傳出二人已經去到見家長嘅階段，宋承憲已經融入劉亦菲家中！

宋承憲對此透過韓國事務所回覆，表示雙方互有好感，並承認剛開始與劉亦菲交往中，仲話拍完電影之後大家都好少見面，依家感情於萌芽階段，希望大家會祝福咁話，不過就話見家長嘅說法唔係事實，目前都未去到談婚論嫁。