盧頌之涉醉駕片曝光 分手冇錢賠

20150805
東網電視
更多新聞短片
盧頌之涉嫌醉駕炒車意外片段曝光,而事發前,盧頌之勁興奮,仲爆粗添。

昨日網上流傳一條撞車短片,據悉事發為上月廿五號凌晨,肇事車輛嚴重損毀,司機涉嫌醉駕被捕。車主為電台DJ陳達仁胞弟,事發時同在車上兼受傷的陳達仁就聲稱當時係由o靚模盧頌之(DaDa)駕駛,事發後DaDa本曾承諾會賠償,不過其後女方又指自己跟男友趙勁皓(King)已分手,經濟出問題而暗示不願賠償。

DaDa自早年跟King拍拖後,專心做跟得女友,但《東網》在網上發現一條拍有DaDa撞車過程的短片,據知事發時間為上月廿五號凌晨,而肇事車輛為四十萬的Audi A5私家車,登記車主屬電台DJ陳達仁的胞弟。

面紅爆粗鬧拍片

據知短片由坐乘客位的人士所拍攝,約分半鐘長的短片中可見滿臉通紅的DaDa,身穿白色上身衫,一邊駕駛,一邊跟車內各人高談闊論,情緒高漲。前後座尚有共兩名男乘客,期間DaDa大聲爆粗,向正在拍片之友人說:「又拍片,你醉X咗啦!」後排乘客則不停大叫好驚,忽然一聲巨響兼畫面一黑,安全氣袋彈出,數秒後有女子開口問:「我哋係咪撞咗車呀?」另一把男聲答:「係呀。」男聲更表示親整手,片段就完結。

記者及後致電陳達仁,他承認日前在青山公路近青龍頭迴旋處發生交通意外,車主為其胞弟,事發時由DaDa負責駕駛:「我當日同DaDa做完節目,然後同另一個男性朋友去飲嘢,但全程我都冇見到DaDa有飲酒,到離開時佢主動話幫我揸車,點知差不多返到屋企時發生意外。」

陳達仁骨折留院

因右上臂骨折要留院的陳達仁表示,事發後DaDa稱會負責賠償,他說:「後來佢(DaDa)原來通過唔到酒精測試,之後DaDa再到醫院探我,問可唔可以分期畀番錢我,但隔咗幾日佢又同我未婚妻提議不如報保險,我未婚妻話涉嫌醉駕保險可能唔賠,佢話要同律師傾吓。」

陳達仁表示他的朋友後來亦詢問過DaDa賠償事宜,她卻指與男友已分手,經濟出問題無法賠償。但陳達仁稱DaDa未有親口向他說無錢賠,自己因傷工作安排都大受影響,現在已將事件交律師處理,不方便直接聯絡她,亦不會再回應相關事宜。而DaDa本人則透過短訊回覆承認曾發生意外,並稱事件已交由警方調查及律師處理,不作進一步回應。

而據警方消息,亦確認上月廿五日凌晨時分接獲交通意外報告,當警員到事發地點調查時,司機為廿五歲女性Lo X Yee(DaDa原名盧燕宜)報稱閃避切線車輛失控撞欄,同時司機未能通過酒精呼氣測試,涉嫌酒後駕駛被捕。