陳爽自認大頭蝦　試過漏萬元食材喺的士

藝人陳爽與老公梁梓軒出席電影首映禮，她透露早前與老公及囝囝到北京旅行：「去咗三日兩夜，今次第一次兩公婆合力湊BB，冇帶工人姐姐，自己都好大壓力。（囝囝第一次搭飛機？）已經搭過三次，但怕嘈到飛機乘客，所以要控制好佢嘅情緒，第一次去係一大班人，多人可以分擔吓！（旅行時有冇驚險事情發生？）做家長都會好緊張，因為電影入面有好多拐小朋友嘅場面，自己特別留意身邊事物，好彩冇事！」

問到老公平日會否負責照顧囝囝？她表示對老公非常有信心：「佢好細心，反而自己好大頭蝦，之前湊住BB可能太忙，喺的士漏咗貴重食材。（咩食材？）黑杞子，出面好難買到！（價值幾多？）價值成萬蚊！」