張偉文演唱會笑彈連環放 望唱到65歲

20150807
東網電視
更多新聞短片
張偉文在演唱會上不停放笑彈,逗得觀眾不斷發笑。
「靚聲王」張偉文(Donald)於荃灣大會堂舉行演唱會,受腳痛困擾的他全晚大部份時間均坐在椅上獻唱,除了演唱多首經典歌曲外,更不斷大放笑彈,逗得觀眾不斷發笑!他提到除了擔心演唱會不賣座外,亦擔心自己的健康,他表示半年前與歌迷吃飯,坐在軟綿綿的椅子上,離開時卻站不起來:「好彩我有帶輪椅啫!依家我就可以行吓,但隻腳好似綿花咁。」他又謂接受過手術後,醫生指他手術成功:「但原來手術成功係我擘大到眼出到嚟,收我十六萬,我話最成功係佢喇,我就愈嚟愈覺得我手術失敗。不過其實我有好到嘅,我做唔到嘅嘢只要你哋仲肯包涵,我都仲有得撈嘅,我就今年62歲,我好想唱到65歲!」
期間,Donald站起來向觀眾鞠躬,但笑謂自己不能説一些太感動的說話:「我一喊就散場都停唔到!」之後他又誤將「巡迴」講成「輪迴」,他笑言是受樓下的管理員影響:「佢有一日話見到我啲海報,話知我開輪迴演唱會,我話你就輪迴,我唔係輪住一回一回,嗰個可能要輪幾個世紀,真係畀佢激死!」
嘉賓方面,他分別請來了May Ho與管振揚上台合唱,Donald不斷取笑管振陽的廣東話,當管振陽將「你教我咁耐」講成「你搞我咁耐」時,Donald說:「你老婆就搞你,我係教你!」