同張國強合作拍廣告　蕭家浩獲益良多

藝人蕭家浩早前與張國強合作拍廣告，他說：「我好欣賞張國強，佢唔只演技好、表現專業，仲係一個好老公，拍廣告當日，我見到佢帶埋太太同個女一齊開工，好羨慕佢有個幸福家庭。其實，我同佢做對手戲嗰陣，我都有啲緊張，因為始終佢都係個經驗豐富嘅前輩，但佢好nice，仲畀咗好多意見我，令我獲益良多。我仲把握機會，請教咗佢一啲關於人生方面嘅睇法，佢亦都好樂意分享佢嘅經驗，仲畀咗好多鼓勵我，我好感激佢，希望將來有機會喺劇集上都可以撞番，再喺佢身上學多啲嘢。今次我哋合作嘅係關於物業信貸嘅廣告，講起買樓、賣樓，我都好希望可以做業主，因為想結婚娶老婆，雖然我依家仲係單身，不過依家樓價真係好高，所以諗定都啱！」