【好身手】林芊妤谷胸晒瑜伽　頭髮亂鳥

藝人林芊妤（Coffee）穿上瑜伽裝束，到灣仔為約會公司宣傳，她即席示範瑜伽動作，雖然啲動作相當大幅度同高難度，但佢都奇迹地未有走光。Coffee說：「除咗瑜伽，我都會為呢間公司分享一啲辦公室拍拖經驗，約會要注意嘅tips。（係咪唔好去廁所gathering？）嘻嘻，總之係叫人做番自己，同時睇清楚對方，出幾次街至好做決定，裝束唔使太性感！（你嘅殘廁經歷係反面教材？）每個人都會有做啱、做錯嘅時候，我上次絕對係好好嘅反面教材，我都以此警惕自己。」

有人群及廁所恐懼症

Coffee談到感情狀況時表示：「依家感情空白，雖然有追求者，但都被我拒絕，早前有個朋友向我表白，我拒絕咗，結果搞到連朋友都做唔到，其實係因為我未ready，我有人群恐懼症，唔知點解出街成日被人影到，我已經好少出街！（要參加約會公司識對象？）唔知佢哋會唔會搵鍾意廁所嘅男士畀我呢？不過我就唔得喇，我對廁所已經有恐懼！」