陳詩雅被問戀情口窒窒　認與王宗堯了解中

樂隊Dear Jane、陳詩雅（Sarah）及前樂隊Audiotraffic主音兼張曼玉緋聞男友Adrian da Silva出席《#Hennessy Band Tour音樂派對》，Sarah受訪時被問到早前被影到同王宗堯撻着，她聲稱同對方只係朋友關係，大家都需要啲時間去了解同相處，而且同王宗堯已認識了5、6年時間。

問到是否喜歡肌肉男，Sarah口窒窒話：「冇特別鍾意邊一個類型，感覺緊要啲。（有冇其他追求者？）冇呀。（淨係得王宗堯一個追你？）都係，唔係話追，係了解緊，佢好忙，依家有咁多工作都好替佢開心。」提到被影到當晚，王宗堯父母都在場，Sarah即前言不對後語話:「係呀一齊食飯。（見家長？）佢哋咁啱喺度，仲有一班朋友喺度。（緊唔緊張？）唔緊張，好簡單一餐飯。」其後又大讚王宗堯父母好nice。