孖林慕德晒恩愛　鄧慧詩：依家感覺似初戀

資深音樂人林慕德與鄧慧詩恩愛出席慈善活動，透露二人已拍拖一年多，鄧慧詩大方談兩人相戀經過，表示雖然雙方已相識三十多年，但卻有廿多年沒有聯絡，沒料一次於街頭重遇，更謂：「當時我哋禮貌上交換卡片，後來佢打畀我想我介紹學生唱兒歌，點知唱唱吓就佢同我唱，之後傾傾吓大家經歷幾似，50幾歲單身，離婚又有仔女，咁佢又冇衰新聞，好自然就一齊咗！（同居？）一齊住呀！依家感覺好似初戀咁，發覺原來以前遇過好多錯嘅對象。」

達共識再結婚

林慕德則表示受女友影響下也變成素食者，如今身體健康之餘，皮膚也轉好，問到是否加上有愛情滋潤所致，他謂：「係呀！大家好夾，鍾意運動同音樂。（結婚？）要遲啲先，呢啲要有共識！其實我想話畀未遇到對象嘅人知，唔需要刻意去搵，初頭我都好驚，覺得佢好靚會有好多男仔追，會唔要我，點知佢又欣賞我，大家互相尊重。」